СПÜВАНКА ИЗ ЛАТЫНСЬКЫМА ПОСЛОВИЦЯМИ

Што м годен вповісти, коли сік транзіт
Глорія мунді1, й здалекü дразнить:
Сонце заходить - лем думка світить,
И моя фловбертка уже ни стрілить.

Бо знає каждый: ін патріа натус
Нон ест и ни буде профета вокатус2.
Лем кой го р
üзпнуть - спüзнавуть пророка,
А докü живе ввüн - єдна з ним морока.

Бирüв и фішкарош кажуть: дура лекс,
Сед лекс3, лем каждый парламентарь - пес:
Кить треба - гавкне, а треба - вкусить…
Нитко живых нас у рай ни пустить.

Довго я віровав, ош нон схоли,
Сед віти дісцімус4, а днись нїколи
Вто схосновати, што м знав дїтинов -
Задарь им книгы рыв, ги кыртина…

Богатый каже: плодіте, цівес5!
А я в отвіт му: ци ни хотїв бысь?!..
Житя минає, гибы й ни было:
Творця - на попіл!
Судю - на мыло!..

1 Сік транзіт глорія мунді - Так ся минать мирська слава.
2 Ін патріа натус нон ест профета вокатус - У нашüв утцюзнинї ниє пророка закликувучого.
3 Дура лекс, сед лекс - Закон твердый, айбо вто є закон.
4 Нон схоли, сед віти дісцімус - Н
и для ошколы, ай дїла живота ся учиме.
5 Плодіте, цівес - Бийте в тапші, чиляде.

Попозирайте мüй

старый сайт:
http://gafya.narod.ru/

Дзеркало сайта

http://petrovtsiy.ltd.ua/

Tegs:

русинськи русинські співанки писни пісні фигли колядки, іван петровцій, вірші петровція, іван петровцій біографія, русины народ, закарпатские русины, русины на украине, становище русинів у галичині, галицкие русины, карпатские русины, русины фото, русинське радіо, русины, русини, русинська мова, русинский язык, русинська нація, русинська музика, русинська родина, русинськi співанкы, русинськi стихы, русинська правда, русинская литература, русинська література, русинская поэзия, русинська поезія