Ни дав бы Бог, обы так люде жили,
Ги русин на Украйинї типир:
Сарака, рве из ся послїднї жилы,
Вдганявучи вд дїти голодну смирть.

Ба ци сяті за вто на нибі знавуть,
Што чуствує отиць пиля дїти,
Кой в очи му - голодны! - позиравуть,
А ввüн ни годен істи йим дати?!..

О Богородице, Сята Христова Мати,
Поникай на русинськых матерьüв,
Й благослови йих жити - ни страждати! -
Вать взьми з дїтьми живыми нас горі,

Туды, на небо, де ниє Вкрайины,
Де люде сыті вд Божого тепла!..
О Господи! вто за яку провину
Украйина русинüв загребла?!!