СПÜВАНКА–ПЛАЧ ЗА МОЙЫВ МАМКОВ

СПÜВАНКА–ПЛАЧ ЗА МОЙЫВ МАМКОВ

В мені росте й цвіте зеленый сад,
И пахнуть мнов придумані косіцї.
А кой вночи махну свойыв правицив,
З небес ся сыпле чудный звіздопад.

Я не придумав лем єдно: слызы –
Они течуть кой думаву за маму…
Я вже й ни утираву йих руками,
Ай лем у хыжи здрю на образы,

Де меже всьых сятых є мамин лик –
Гüрка судьба в ньüм радости ни стерла.
А я до нього всьыв душив приник,
И … плачу! Плачу!.. – мамка моя вемрла…