ЗАЯВЛЕНИЄ РУСИНСЬКОГО ПИСАТИЛЯ
Ивана ПЕТРОВЦІЯ

22 фебрувара 2014 года

   У сись смертелно тяжкый дїла русинüв Пüдкарпатської Руси час я – русинськый писатиль Иван Петровцій – молитовно складаву рукы и з май глыбшых глыбин мого болящого сирця, уд майтрепетных чуств мої русинської душі твердо кажу:


Я РУСИН БЫВ, ЄСЬМ И БУДУ !


   Хоть ушыткы двадцьит и три годы животенія русинüв у ”низалежнüв Украйинї”, до котрої “великый” Сталїн нас приєднав ищи 1944-го года, русин на рüднüв, споконвічно свойüв земли чує себе чоловіком май пüллої файты чиляди, май приниженої и навхтемашно принижаємої “свойым” “старшым” “братом” украйинцьом и “суперстаршым” “братом” галичанином.

    У тот час, кой изза днишньої економічної сигіняшности в ”низалежнüв Украйинї”, наша роботолюбна, роботосхопна, роботяща чилядь змусаєна полишати свої родины и йти на заробкы у далекі державы, галичане а украйинце збігавуть ся на нашу рüдну русинську зимлю и пуд протикційов Кыйова и Лемберка впаровувуть ся на державовладні роботы, бо, кажуть, ош русины началниками быти ни годны. И, повіруйте ми, ош галичане а украйинце на нашых цолнях-таможнях, в обл- и райдержадминистраціях, у редакціях и на иных панськых посадах тай позиціях … зараблявуть, а май - накрадавуть ся ! - намного бüлше, гикой наша сигіняшна чилядь кырвавов працов зараблять на тяжкых а збüлшого й принизливых роботах у далекых державах.

За вшыткы годы ”незалежної Украйины” наші истинні русины думавуть за свою низалежнüсть уд “низалежных” галичан а украйинцьüв, котры, признавучи и превозносячи свою націоналнüсть, русинської націоналности признати й ни гадавуть.

      Добре розумівучи, ош тко суть поправдї “наші” “суперстарші” “браты” галичанине, я щи 1991-го года написав:



К О Л О М Ы Й К Ы
ЗА ГАЛИЦЬКЫХ НАЦIОНАЛЇСТÜВ

На высокüв полонiнї
Вовк гüно твердоє iсть.
Щи май твердый, щи май мерзкый
Галицькый нацiоналїст.

Кажуть люде, ош у змиї
З меж звiрьüв майбüлша злüсть.
Та щи бüлше злости має
Галицькый нацiоналїст.

Кажуть люде: вовк голодный
Мирноє звiря ни йзїсть.
Та русинüв поідає
Галицькый нацiоналїст.

Нїмиць быв колись фашистом,
Мадяр тоже быв фашист.
Май страшный фашист у свiтї
Галицькый нацiоналїст.

Ни в науцї, ни в искуствi
Ни хватає з неба звiзд.
Агресивностив ся славить
Галицькый нацiоналїст.

Раз Бог дав так - най так буде,
Туй нитко нич ни вповiсть.
Дасть Бог - здохне в свойüв злости
Галицькый нацiоналїст.


   Иппен товды, добре розумівучи ушытку истинну серйознüсть русинської “загрозы”, украйинські правоохранитилні органы подробили русинські организациї (дниська є русинськых организаций на Пüдкарпатськüв Руси бüлше гикой двадцьить !), а начальниками в тоты организациї хытромудро натыкали свойых освидомитильüв, котры й “ведуть” русинüв за тыма сценариями, котры йим украйинська безпека пише. А пак всяды галичане а вкрайинце голосять, ош русинство – безперспективноє…

    Чув им, ош сих днüв перманентні “русинські” “началникы” пüп Митьо Сидор, дохтур Женька Жупан, “облблудсмен” Онисько-Rüsin, уже шістьрüчный “нелегальщик” Петро Гецко, кагебіст Миколай Бурак, гикой навхтема - пуд диктовку СБУ, пишуть 1001-є (изирь первоє) писмо у Кыйов из прошенійом признати русинüв.            Они вже писали и признавали ся в лоялности й любови Кравчукови, Кучмови, Ющенкови, Януковичови, а типирькы пишуть украйинцьови № 1 (нумеро єден) Дмитрови Ярошови.

     Хоть иппен Дмитро Ярош нам указав, ош писма в Кыйов пишуть лем политично безграмотні тупакы а безпекаські шпіцликы: русины в Кыйов мавуть ити кить ни из свойыв тиглов авать плитаком, товды из цваками, котрыма навагашать из кыйовськых ярдüв а плацüв коцкатого каміня, и януть го метати куды треба.

    А щи Дмитро Ярош свойым приміром указав, ош русины мусять мати истинного – до фанатичности истинного ! – лїдера, и ни просити никого в столици западної части вже, хвалабов, подїленої Украйины – у Лемберку, ай ити в Лемберк и з божыв помочив товчи щи австріяками и поляками начинині ярды и плацы, и метати навагашеноє коцкатоє каміня а плитачя точно по цїльох !

      Лепава піна днишньої “майданної” “револуциї” – суперактивні люмпены а бомжі повмітовали гикойбы “на смітник” многых розумных загаздованых русинüв, котры щи нидавно лем позирали на русинство гикойбы збоку.

     И я дниська ся убращаву иппен до нашых порядных, приниженых люмпенами а бомжами днишньої “майданної” “револуциї” русинüв: убєднуйте ся не в партійні организациї, ай – у РУСИНСЬКІ ! И возглавляйте тоты организациї, и ведїть у них роботу на ослобождениє державы Пüдкарпатська Русь так, обы вчорашныма правоохранитилныма органами позаганяні быти русинськыма “началниками” пüп Митьо Сидор, дохтур Женька Жупан, “облблудсмен” Онисько-Rusin, уже шістьрüчный “нелегальщик” Петро Гецко, кагебіст Миколай Бурак и иже з нима порозуміли, ош они нидостойны просто называти ся русинами, а ни вто ош быти “русинськыма началникома”!

      Подетко зазвідать: - А ци має тот русинськый писатиль Иван Петровцій право чинити такі заявления !??..

      И я вам отвічу: - Маву ! Бо м истинный русин ! Бо вд 1989-го года на повну силу тых способности, што ми йих дав через мойых Нянька й Мамку сам Господь Бог, тружу ся и тружу ся на русинськüв литературнüв ниві, и вжек вижу, тай вы видите благодатні плоды мої творчої роботы: майже ТРИДЦЯТЬ мойых по русинськы написаных книжок русинська чилядь читать ! А мою книгу “Наші спüванкы” 1996-го года за мої истинно русинські идеї офіціально запрітив товдышный прізідент Украйины Кучма... Но и май высока дїла мене “награда” вд украйинцьüв: 2008-го року Ивана Петровція исключено из союза писатильüв Украйины “за участь у русинстві, яке є антиукраїнським”. (Подешто мнов літературно вчиненого дїла русинüв годны сьте увідїти на мойому сайтї: petrovtsiy.jimdo.com)
     Вы мене зазвідаєте: - Чим русинськый писатиль Иван Петровцій годен пожертвовати дїла русинської идеї ?

     И я вам отвічу: - Житя свого ни пошкодуву задля воплощениє в реалнüсть сятої дїла мене идеї низависимости русинської державы Пüдкарпатська Русь !
      Иппен тому типирькы прошу !!! умоляву !!! нашых истинных русинüв, котрым на йих творчых путьох напаскудили люмпены и бомжі “майданної” “револуциї”:

Почуствуйте серцями свойыма, ош Вы – РУСИНЫ !

Ни шкодуйте свої любови и сил свойых ради воплощения в житя сятої идеї низависимости русинської державы Пüдкарпатська Русь !

                                            

Иван ПЕТРОВЦІЙ,
выключенный из спілкы письменникüв Украйины
“за участь у русинстві, яке є антиукраїнським”

 

 

Попозирайте мüй

старый сайт:
http://gafya.narod.ru/

Дзеркало сайта

http://petrovtsiy.ltd.ua/

Tegs:

русинськи русинські співанки писни пісні фигли колядки, іван петровцій, вірші петровція, іван петровцій біографія, русины народ, закарпатские русины, русины на украине, становище русинів у галичині, галицкие русины, карпатские русины, русины фото, русинське радіо, русины, русини, русинська мова, русинский язык, русинська нація, русинська музика, русинська родина, русинськi співанкы, русинськi стихы, русинська правда, русинская литература, русинська література, русинская поэзия, русинська поезія